Համառոտ նկարագրություն
Ակումբային գործունեությունն իր մեջ ներառում է դասընթացներ, որոնք դասավանդվելու են մեր խմբի փորձառու և տվյալ ոլորտում հմուտ դասընթացավարների կողմից։ Յուրաքանչյուր դասընթացավար մինչև սովորողների հետ աշխատելն անցնելու է փորձաշրջան, որի արդյունքում վարժ տիրապետելու է ուսուցման տեխնիկային, սովորողների հետ արդյունավետ հաղորդակցման հմտություններին։ Յուրաքանչյուր սովորող մեր նախագծում արժանանալու է հատուկ ուշադրության և ամեն դասընթացին կատարելագործվելու, կրթվելու և զարգանալու։
Խաղերի ստեղծման և անիմացիայի ակումբում մեր սովորողները կարող են զրոյական մակարդակից սկսել իրենց ուսումն ու կատարելագործումը խաղերի զարգացման ոլորտում։ Մուտք գործել խաղերի դիզայնի, կոդավորման և անիմացիայի աշխարհ և կյանքի կոչել իրենց հետաքրքիր խաղային գաղափարները: Մեր դասընթացավարների խմբի ու ստեղծագործական թիմի կողմից սովորողների համար ինտերակտիվ ու որակյալ ակուբային ծրագիր է մշակվել, որի շրջանակներում սովորողները սկզբնական գաղափար կկազմեն խաղերի և անիմացիայի աշխարհի մասին, կծանոթանան տարբեր խաղային զարգացման ծրագրերին ու կտիրապաետեն դրանցից օգտվելու հմտություններին։
Դասընթացի նպատակները՝
- Երիտասարդության շրջանում զարգացնել խաղերի մշակման, ծրագրավորման, ստեղծագործական մտքի հմտություններ,
- Սովորողներին խաղերի դիզայնի և նախագծերի կառավարման ոլորտում հաղորդել գործնական գիտելիքներ և կիրառելի հմտություններ,
- Ստեղծել յուրահատուկ, գրավիչ և ուսուցողական խաղեր,
- Խթանել մասնակիցների միջև համագործակցությունը և թիմային աշխատանքը,
- Զարգացնել խնդիրներ լուծելու և քննադատական մտածողության ունակությունները,
- Զարգացնել և ընդլայնել սովորողի պորտֆոլիոն։
Ընթացքը /Քայլերը/՝
- Ուսումնասիրել խաղերի ստեղծման ոլորտում առկա խնդիրներն ու թելադրվող պահանջները,
- Ծանոթանալ սովորողների տեսակետներին, իրենց պատկերացումներին, վեր հանած խնդիրներին,
- Դասընթացներն ու ակումբային գործունեության շրջանակներում իրականացվող նախագծերը համապատասխանեցնել սովորողների ու ոլորտի թելադրող պահանջներին, ցանկություններին ու զարգացման պատկերացումներին,
- Մշակել դասընթացների ու իրականացվող նախագծերի արդյունավետ, ընդգրկող ծրագիր, որտեղ հատվում են սովորողների և մասնակիցների հետաքրքրություններն ու նախընտրելի ոլորտները։
Արդյունքը՝
- Սովորողների հետ միասին լիարժեք խաղերի, անիմացիաների ստեղծում,
- Սովորողների գաղափարների զարգացում, իրականացում,
- Սովորողների կատարած անհատական պրոյեկտների հանրային փորձարկում, ներկայացում,
- Արդյունքների գնահատում և վերլուծություն։
Եզրակացություն
Խաղերի ստեղծման և անիմացայի ակումբային դասընթացներն ու նախագծերը չեն սահմանափակվում զուտ խաղային, կոդավորման ու դիզայնի ոլորտներով։ Ուսումնասիրման ոլորտները շատ ավելի բազմազան են, քանի որ լիարժեք խաղերի ստեղծման և թողարկման համար անհրաժեշտ են մի շարք այլ հմտություններ ու կարողություններ, որոնցից են ստեղծագործական միքտը, երաժշտությունը, նկարչությունն ու գծագրությունը, ձայնադրումներն ու հնչյունավորումը և շատ այլ աշխատանքներ, որոնք կոդավորման ոլորտի հետ անմիջականորեն չեն առընչվում։ Այսպիսով՝ RippleFlow նախագծի ակումբային դասընթացը ամբողջովին ընդգրկուն ծրագիր է, որտեղ կարող են իրենց ներդրումներով հանդես գալ յուրաքանչյուր հետաքրքրության և կարողության տեր համարձակ, ստեղծագործ և պատրաստակամ երիտասարդներ։
Ուսումնասիրման նյութեր՝
Արի Ագոփի Ուսումնական Բլոգ 
4 thoughts on “Ակումբային դասընթացներ։ Խաղերի ստեղծում և անիմացիա”