Կազմակերպիչ՝ RippleFlow կրթական-ինքնազարգացման կազմակերպություն
Աջակից՝ «Մխիթար Սեբաստացի» կրթահամալիր, ՀՀ ԿԳՄՍՆ
Պաշտոնական կայք՝
2024 թվականի հունիսի 17-19-ին Երևանի «Մխիթար Սեբաստացի» կրթահամալիրում կազմակերպվում է «ԷդուԷքսպո» 2024 հանրակրթական ցուցահանդեսը՝ «Կրթությունն ու գիտելիքը մեկ վայրում» խորագրով։ Էքսպոյի հիմնական ուղղվածությունը ԲՏՃ բնագավառն ու ոլորտի առարկաներն են։ Էքսպոյի նպատակն է ներկայացնել և հանրայնացնել հանրակրթական դպրոցների սովորողների, սովորողների խմբերի «ԲՏՃ» բնագավառում աշխատանքները և նախագծային փաթեթները։ Ինչպես նաև այցելուներին ծանոթացնել ոլորտի տարբեր ուղղություններին, նորարարություններին և առաջարկվող հնարավորություններին։
Խնդիր
«ԲՏՃ» ոլորտի նորարարությունների, հայտարարությունների և առաջարկվող հնարավորությունների արդյունավետ տարածումը, դրանց հետ ծանոթացումն ու հանրության կողմից լիարժեք ընկալումը։ Մեր կողմից առանձնացված մի շարք խնդիրների ծանոթացեք հետևյալ կետերում․
- «ԲՏՃ» առարկաների դասավանդումը իրականացվում է հիմանակում տեսական ուղղվածությամբ, իսկ գործնականը՝ ոչ լիարժեք,
- Ռեսուրսների առկայության պակաս կամ ոչ արդյունավետ օգտագործում,
- Դպրոցականների մոտ կա «ԲՏՃ» առարկաների հանդեպ հետաքրքրության և մոտիվացիայի պակաս, ցածր առաջադիմություն,
- Կրթություն – աշխատաշուկա կապի բացակայություն, անորոշություն,
- «ԲՏՃ» ոլորտի և հանրության միջև տեղեկատվության սահմանափակ հասանելիություն,
- Արդյունավետ թիրախային լսարանի բացակայություն։
Լուծում
Երկարաժամկետ նախագծերի իրականացում «ԲՏՃ» ոլորտում, մասնավորապես սովորող-սովորեցնող նախագծերի համակարգում, բնագավառի տարբեր կազմակերպությունների հետ համագործակցային նախագծերի և տեղեկատվական դասընթացների մշակում և իրականացում, տվյալ ուղղություններով հետաքրքրված ու շահագրգիռ լսարանների հետ կապերի հաստատում, ամրապնդում տվյալ նախագծերի շրջանակում։
Կարդացեք Ավելին
Արի Ագոփի Ուսումնական Բլոգ 