Վերջերս Մխիթար Սեբաստացի կրթահամալիրի Հետազոտական վարժարանի անգլերենի խմբի սովորողները անգլերենի դասավանդող ընկեր Իրինայի գլխավորությամբ իրականացրին “SEB Talks” ուսումնական բաց պարապմունքը, որի նպատակն էր սովորողների մոտ խթանել հանրային խոսքի արդյունավետ ու անկաշկանդ ներկայացումը, հասարակության շրջանում առկա մի շարք խնդիրների ու երևույթների բարձրաձայնումն ու բաց քննարկումը։ Նախագիծը նպատակ էր հետապնդում սովորողների մոտ ընդլայնել խոսքային բառապաշարը, մոտիվացիոն ու ոգեշնչող խոսքը, վերլուծական ու քննադատական մտածողությունն ու բանավեճային միտքը։
Թեմաների ընտրությունն ազատ էր, ուստի յուրաքանչյուր խոսնակ ազատ էր ընտրելու իրեն հոգեհարազատ թեմա և ընդլայնելու իր միտքը ամեն մի թեմայի, երևույթի շուրջ։ Արդյունքում՝ բաց դասն անցավ շատ հետաքրքիր, ինտերակտիվ և ինքնատիպ, որովհետև խոսնակների ներկայացրած թեմաները բազմազան էին ու առանձնահատուկ իրենց ուսումնասիրման ոլորտներով։ Հասարակության շրջանում առկա խնդիրներից մինչև անպատասխան մնացած հարցեր, մարդկային հարաբերություններ, հասարակության կարծիք և անգամ երաժշտության ազդեցությունը․ այս ամենն ընդամենը մի պարապմունքի շրջանակներում։ Այդ իսկ պատճառով էլ վստահ կարելի է ասել, որ ուսումնական բաց պարապմունքն անցավ շատ արդյունավետ և լիարժեք իր բոլոր առումներով։
Արդյունքում՝ սովորողների մոտ հաջողվեց որպես խոսնակներ լավագույնս ներկայանալ ու ընդլայնել սեփական մտահորիզոնը՝ քննարկվող թեմաների շուրջ։ Խոսնակները թեմաները ներկայացնելուց բացի քննարկում վարեցին նաև ամեն մի սովորողի ներկայացումից հետո։ Այնպես որ, ուսումնական բաց պարապմունքը լիովին ստացված էր։
Արի Ագոփի Ուսումնական Բլոգ 