RippleFlow ստարտափի դիջիդասընթացները։ վերապատրաստման արդյունքները

Հանրակթական Դիջիթեք 2024 ստուգատես

Խմբի անունը՝ RippleFlow

Խմբի անդամները՝

• Արի Ագոփ/11-րդ դասարան/
• Մկրտիչ Պապիկյան/11-րդ դասարան/
• Մարիա Տիշաքճեան/11-րդ դասարան/
• Սյուզի Մելիքյան/11-րդ դասարան/
• Մինաս Սահակյան/11-րդ դասարան/

Առաջարկվող դասընթացներն ու նախագծերը՝

1. «Վիքիպեդիան հայերեն» թարգմանչական-հայագիտական նախագիծ
2. Վիդեո էդիթինգ։ Գովազդային հոլովակների պատրաստում

Դիջիդասընթացների ուսումնական ծրագրերը կարդացեք հղմամբ

«Վիքիպեդիան հայերեն» դիջիդասընթացի արդյունքը

«Վիքիպեդիան հայերեն» թարգմանչական նախագծային դասընթացներն արդեն մի քանի ամիս է, ինչ դասավանդվում են կրթահամալիրի Ավագ և Միջին դպրոցների սովորողների համար։ Դասընթացը ներառում է Վիքիպեդիայում հոդվածների ճշգրիտ խմբագրման մեթոդիկայի ուսուցանման ամբողջական փաթեթ, որի ընթացքում սովորողներին ցուցադրվում են հոդվածների խմբագրման, թարգմանչական քայլերը, գործողությունները, հերթով անդրադարձ ենք անում յուրաքանչյուր բաղադրիչի և մասնակցիներին տալիս լիարժեք գիտելիք։

«Վիքիպեդիան հայերեն» դիջիդասընթացը, սակայն, վերջերս մշակված՝ երկու դասընթացից բաղկացած կուրս է, որը մշակել ենք սկզբնապես Հանրակթական Դիջիթեք 2024 ստուգատեսի համար։ Դասընթացներից առաջինն իրենից ներկայացնում է խմբագրման և թարգմանչական նույն մեթոդիկայի արդեն խորացված ուսուցանումն ու մանրակրկիտ անդրադարձը խմբագրական ամեն մի բաղադրիչի։ Այսինքն, եթե նախնական դասընթացի արդյունքում մասնակիցներին տրվում էր սկզբնական գիտելիքներ՝ խմբագրման համար, ապա դիջիդասընթացի դեպքում մասնակիցը խմբագրական հմտություններից բացի տիրապետում է նաև հոդվածի կարևոր բաղկացուցիչ մասերին, ուսումնասիրում է լիարժեք հոդվածի համար անհրաժեշտ պահանջները, ստեղծում է Վիքիպեդիայում մասնակցային հաշիվ, և այլն։

Ներկայացնում ենք մեր բնագավառը․․․«Հասարակություն և հասարակական գիտություններ» ուսումնական բնագավառի հեղինակային կրթական ծրագրի բաց հավաքը

Հասարակագիտական առարկաներն ու պատմության բնագավառն արդեն քանի տարի է, ինչ իմ հոգեհարազատ ու նախասիրած ոլորտներն են հումանիտար առարկաների շրջանում։ Դրան հատկապես նպաստել է Մխիթար Սեբաստացի կրթահամալիրի Հետազոտական վարժարանի կրթական բաց միջավայրը, որի շրջանակում արդեն երկու տարի է իրականացնում եմ հասարակագիտական նախագծեր, նախաձեռնում տվյալ բնագավառում կրթական ծրագրեր և հավաքներ, ինքս մասնակցում եմ բազում հասարակագիտական հավաքների, հանդիպում-քննարկումների և կլոր սեղանների։ Վարժարանում հասարակագիտական լաբորատորիայի, պատմության դասավանդողների աջակցությամբ և ուղղորդմամբ մշտապես ծավալում եմ ակտիվ գործունեություն, իմ ներդրումն ունենում բնագավառի կրթական նախագծերում։

Եվ ահա, ձմեռային ճամբարի վերջին երկու օրերը նվիրված էին հենց այդ բնագավառի հանրային ներկայացմանն ու բաց հավաքին։ Դրա շրջանակում կրթահամալիր էինք հյուրընկալել ազգագրագետ Լուսինե Խառատյանին, Գեղակերտի միջնակարգ դպրոցին, ՀՀ Կրթության պետական տեսչական մարմնի ներկայացուցիչների, և այլ հրավիրյալ մասնագետների։

Բնագավառի հանրային ներկայացման նպատակն էր նախ և առաջ ծանոթացնել մեր հյուրերի կրթահամալիրի հասարակագիտական կյանքին, օրացույցային նախագծերին և կարևոր օրերին, և իհարկե՝ հասարակագիտական հետազոտական աշխատանքներին։ Բաց հավաքի նպատակն էր նաև փոխանակման ծրագրերի շնորհիվ հյուրընկալված սովորողներին տալ գիտելիք և լիարժեք պատկերացում հետազոտական աշխատանքների մասին, կրթական մի շարք նախագծերի և հասարակագիտական ստուգատեսների վերաբերյալ։

Եվ թող լինի հավասարություն․․․Հանդիպում հրավիրյալ մասնագետ Լաուրա Սիմոնյանի հետ

Գենդերային հավասարությունը ոչ միայն ազատում է կանանց, այլև տղամարդկանց՝ սահմանված գենդերային կարծրատիպերից

Էմմա Ուոթսոն

Այո, կարծրատիպերով ապրող մարդիկ ամենից առաջ պետք է գիտակցեն մի շատ կարևոր փաստ․ գենդերային հավասարություն չի նշանակում որևէ հավասարության կետից իջեցնել տղամարդկանց իրավունքներն ու ազատությունները և բարձրացնել կանանցը։ Գենդերային հավասարության ձգտումն է սահմանել որևէ հավասարության մակարդակ և դրան բերել, հասցնել երկուստեք իրավունքները, ազատությունն ու հասարակության կողմից վերջիններիս ընկալումը։

Նախ հասկանանք, թե ինչ նկատի ունենք՝ ասելով գենդերային հավասարություն․ ի՞նչ հավասարություն է դա։ Բազմաթիվ օրինակներ կարող ենք թվել և բացատրել այդ հավասարությունը՝ որպես երկուս կողմերի իրավունքների, ազատությունների և հնարավորությունների հավասարություն։ Բայց ամենից առաջ գենդերային հավասարությունը կախված է մարդու մտածելակերպից։ Չէ՞ որ ոչ մի օրենք, ազատություն կամ պարտականություն չի կարող այնպես ազդել մարդու կարծիքը, ինչքան վերջինիս մտածելակերպն է ունակ ազդելու։ Ուստի նախ և առաջ այդ հավասարության հասկացությունը պետք է մտնի անհատի մտածելակերպ և ստեղծի հասարակական կարծիք։

Մեր ժամանակներում շատ արդիական և էական համարվող այս խնդրի մասին հետաքրքիր զրույց-քննարկում ունեցանք հրավիրյալ մասնագետ, Ազգային ժողովրդավարության ինստիտուտի հայաստանյան գրասենյակի՝ կանանց հզորացման ծրագրերի ղեկավար Լաուրա Սիմոնյանի հետ։ Բազմիցս եմ նշել և արձանագրել, որ ոչ բոլոր մասնագետների հետ հանդիպումն է ինձ ներքաշել բուռն քննարկման, ոչ բոլոր հանդիպումներից է, որից ես իրոք ինչ-որ բան եմ տանում ինձ հետ, սակայն սա այն եզակի հանդիպումներից էր, որ ինձ բնավ չէր հետաքրքրում ժամանակի ընթացքը և ես իրոք ցանկանում էի երկար քննարկումներ վարել յուրաքանչյուր հարցի շուրջ։

Հետազոտական աշխատանք։ Հունվար ամսվա հաշվետվություն

Ոլորտ՝ կրթություն, հասարակագիտություն

Վերնագիր՝ ՀՀ կրթական հիմնախնդիրները

Սովորող՝ Արի Ագոփ

Ղեկավար՝ Աննա Խաչատրյան

Հունվար ամսվա ընթացքում հետազոտական աշխատանքս բանավոր կերպով արդեն ստացավ իր հստակ տեսքն ու բովանդակությունը, որը ներառելու է։ Այժմ ղեկավարիս հետ հիմնականում աշխատում ենք խոսքը թղթին հանձնելու փուլի վրա։ Քանի որ ներածական մասից զատ՝ յուրաքանչյուր գլուխ պետք է ունենա նախաբան-համառոտագիր, այժմ աշխատում ենք նաև այդ ուղղությամբ։

Քանի որ հետազոտությանս ողջ ընթացքում աշխատանքները կատարել եմ նաև գործնական միջավայրում, կարևորություն եմ տվել անձնական փորձառությամբ պայմանավորված արդյունքներին, կրթահամալիրում ընթացող հունվարյան ճամբարն օգտագործել եմ որպես առիթ՝ ջոկատներում քննարկումների շարք անցկացնելու «ՀՀ կրթական հիմնախնդիրները» թեմայով։ Քննարկումների արդյունքներից ամենաէականները կընդգրկեմ նաև իմ աշխատանքում։

Ղեկավարիս հետ նաև ճշգրտեցինք հետազոտությանս բովանդակային գլուխներն ու վերջիններիցս բխող ենթագլուխները, ներառող թեմաներն ու խնդիրները։ Ըստ որի աշխատանքս ընդգրկելու է նախ և առաջ տարբեր կրթական հաստատություններում իրականացրածս հարցումների ամփոփումներն ու խնդրի ճյուղավորումները, անդրադառնալու է ՀՀ կրթական համակարգում առկա հիմնախնդիրներին, դիտարկելու է մեր կրթական հիմնախնդիրները արտասահմանյան առաջատար երկրների համապատասխան խնդիրների հետ և վերջում փոքրիկ ակնարկ պարունակելու Մխիթար Սեբաստացի կրթահամալիրում առկա հիմնախնդիրների մասին։

Քանի որ աշխատանքիս այս փուլում յուրաքանչյուր բաղադրիչի վրա աշխատում ենք շատ ինտենսիվ, ըստ այդմ հետազոտական աշխատանքիս հանրային պաշտպանությունը նախատեսում եմ եկող ամսվա երկրորդ կեսին։ Դրանով պայմանավորված՝ հետազոտական աշխատանքիս բովանդակային գլուխների շարադրանքն ավարտված կլինի հունվարի վերջին։

Այցելություն Մխիթար Սեբաստացի կրթահամալիր։ Հետազոտական վարժարանի այլընտրանքային կրթական միջավայրը

Կրթությունը մեր անցագիրն է դեպի ապագա, քանի որ այն պատկանում է միայն նրանց, ովքեր պատրաստվում են դրան այսօր։

Մալքոլմ Իքս

Կրթության և ուսուցանման գործը Մխիթար Սեբաստացի կրթահամալիրում տասնամյակներ շարունակ բաց է և ազատ կրթահամալիրի սովորողների համար։ Հեղինակային կրթական ծրագրի շնորհիվ կրթահամալիրը սովորողների համար ապահովում է կրթական բաց միջավայր՝ կրթվելու, ուսումնասիրելու, հետազոտելու և սովորեցնելու։ Հարկ է նշել, որ դպրոցը տարիներ շարունակ ապահովում և տրամադրում է սովորողներին անհրաժեշտ ռեսուրսները՝ դրանով իսկ ընդունելով նորարարությունները, կրթական մարտահրավերները, որոնք ժամանակի ընթացքում՝ կախված արդիականությունից, վեր են հանվում կրթահամալիրի այլընտանքային ծրագրում։

Մխիթար Սեբաստացի կրթահամալիրի Հետազոտական վարժարանի ազատ կրթական միջավայրն արտահայտվում է ակումբային դասընթացների բազմազանությամբ, մարզական և արվեստի լայն բնագավառների ուսուցանմամբ, բարձր պահանջարկ ունեցող լեզուների որակյալ դասավանդմամբ և անհատական, խմբային ու կրթահամալիրյան մի շարք նախագծերի իրականացմամբ։ Կրթահամալիրում պարբերաբար անցկացվում են ստուգատեսներ, որոնք ևս մեկ խթան են սովորողների հմտությունների զարգացման, ներուժի բացահայտման և տեսականը գործնական միջավայրում արտահայտելու համար։ Ելնելով սովորողների կարիքներից և ժամանակի թելադրող պահանջներից՝ Հետազոտական վարժարանը մշտապես թարմացնում է ուսումնական պլանում ներառված նախագծային ուսուցումը՝ սովորողներին անընդհատ ընդգրկելով, տեղեկացնելով և ծանոթացնելով այնպիսի կրթական հնարավորությունների, ինչպիսիք նախադրյալ կհանդիսանան վերջիններիս համար ինքնակրթվելու, զարգանալու և պատրաստ լինելու կյանքի հետագա բարդ փուլերին։

Հետազոտական վարժարանը կարելի է համարել կրթական-հետազոտական աշխատանքների, նախագծերի և դասընթացների ակտիվ խաչմերուկ, որն ապահովում է ոչ միայն ներկրթահամալիրյան կապը սովորողների և դասավանդողների միջև, այլև մշտապես հյուրընկալում մասնագետների, փորձագետների և ներկայացուցիչների ամենատարբեր ոլորտներից, բնագավառներից և կազմակերպություններից։ Վարժարանը փաստացի հանդիսանում է կամուրջ՝ սովորողների խմբի և վերջիններիս նախասիրություններին համապատասխանող կայացած փոձառուների, հրավիրյալ մասնագետների միջև։

Մեկնարկելով ձմեռվա արկածային օրերը․․․Ճամբարային առաջին շաբաթվա ամփոփում

Մխիթար Սեբաստացի կրթահամալիրում տարիներ շարունակ ուսումնական տարվա կարևոր ու հետաքրքիր կրթական-ժամանցային բաղադրիչ են համարվում միջկիսամյակային ճամբարային ծրագրերը, երբ յուրաքանչյուր սովորող ընտրում է իրեն համապատասխանող նախագծերով ու ծրագրերով ջոկատ ու երեք շաբաթ շարունակ անցկացնում այդ միջավայրում՝ համատեղելով օգտակարն ու հաճելին, կրթականն ու ժամանցայինը։

Ճամփորդություններ, այցելություններ, եռօրյա ուղևորություններ, կրթական-համագործակցային նախագծեր ու ստուգատեսներ․ այս ամենին կարող եք հանդիպել հենց Հետազոտական վարժարանի հունվարյա ճամբարի շրջանակում։ Հարկ է նշել, որ չնայած յուրաքանչյուր ջոկատի ուրույն աշխատակարգին ու ինքնատիպությանը, ճամբարային ամսվա ընթացքում հաճախ են լինել միջջոկատային համագործակցային նախագծեր, հանդիպում-քննարկումներ, և այլն։ Իսկ ինչն ամենակարևորներից է, ճամբարային ողջ երեք շաբաթվա ընթացքում մոռացության չեն տրվում նաև մարզական ու արվեստի պարապմունքները։ Շաբաթվա աշխատակարգում առնվազն երկու անգամ հանդիպում են մարզական ամենատարբեր պարապմունքները, ազգագրական պարերի ուսուցանումն ու երգեցողության դասընթացները։

Այս տարի իմ նախագծային խմբով որոշեցինք ձևավորել առանձին ճամբարային ջոկատ՝ իր ուրույն նախագծերով, աշխատակարգով և կրթական-ժամանցային ուղղություններով։ Աշխատակարգում կենտրոնացանք հիմնականում RippleFlow կրթական-ինքնազարգացման նախագծի ակումբային ուսուցման, կրթական սեմինարների և ժամանցային ծրագրերի վրա։ Այնուհետև վարժարանի դասավանդողներ Վարդան Կարապետյանին և Աշոտ Տիգրանյանին առաջարկեցինք ջոկատի ղեկավարությունը ճամբարի ընթացքում։ Ընկեր Վարդանն ու Տիար Տիգրանյանը սիրով համաձայնեցին և այդպես՝ ողջ նախագծային խմբով և կրթական ծրագրերով հետաքրքրված պատանիներով միավորվեցինք մեկ ընդհանուր յուրահատուկ ջոկատի ներքո։

RippleFlow ստարտափն առաջարկում է դիջիդասընթացներ

Հանրակթական Դիջիթեք 2024 ստուգատես

Խմբի անունը՝ RippleFlow

Խմբի անդամները՝

• Արի Ագոփ/11-րդ դասարան/
• Մկրտիչ Պապիկյան/11-րդ դասարան/
• Մարիա Տիշաքճեան/11-րդ դասարան/
• Սյուզի Մելիքյան/11-րդ դասարան/
• Մինաս Սահակյան/11-րդ դասարան/

Առաջարկվող դասընթացներն ու նախագծերը՝

1. «Վիքիպեդիան հայերեն» թարգմանչական-հայագիտական նախագիծ
2. Վիդեո էդիթինգ։ Գովազդային հոլովակների պատրաստում

Ժամկետները՝

15․01-26․01, շաբաթական երեք դասընթաց-հանդիպում

Դասընթացների օրերը, ժամերը՝

• «Վիքիպեդիան հայերեն» թարգմանչական-հայագիտական նախագիծ-երեքշաբթի, ժամը՝ 11։00-12։00
• Վիդեո էդիթինգ։ Գովազդային հոլովակների պատրաստում-չորեքշաբթի և հինգշաբթի, ժամը՝ 11։00-12։00

Դասընթացների գրանցման հայտը

«Վիքիպեդիան հայերեն» նախագիծ

Համառոտ նկարագրություն

Նախագիծը կրթական, թարգմանչական և ինքնազարգացնող նախաձեռնություն է, որի շրջանակներում համագործակցում ենք Վիքիպեդիա համաշխարհային ազատ հանրագիտարանի հայկական գրասենյակի՝ Wikimedia Armenia-ի հետ։ Նախագծի գործունեությունը հիմնականում հայանպաստ բնույթ է կրում, քանի որ նախագծի նպատակն է զարգացնել հայկական Վիքիպեդիան, ընդլայնել հանրագիտարանի հայերեն պաշարը և հարստացնել հայերեն հոդվածներով։ Նախագծի մաս է կազմում RippleFlow կրթական նախագծի թիմի կողմից անցկացվելիք դասընթացը, որի շրջանակներում հետաքրքրվող սովորողները կսովորեն Վիքիպեդիայում լիարժեք և ճշգրիտ հոդվածներ խմբագրել, թարգմանություններ կատարել և բարելավել արդեն առկա նյութերը։

Սեբաստացիական ուխտագնացությանն ընդառաջ։ Գիտաճանաչողական հանդիպում հրավիրյալ մասնագետ Հովհաննես Մարտիրոսյանի հետ

Ազատությունն այն չէ, երբ անում ես այն, ինչ ուզում ես, ազատությունն այն է, երբ կարողանում ես չանել այն ամենը, ինչն ուզում ես։

Առաջին հայացքից այդքան պարզ թվացող այս խոսքերն ինչքան մեծ իմաստ են պարունակում իրենց մեջ։ Ասես մի ամբողջ գաղափարի պարզաբանում լինի, կյանքի բանաձև։ Չէ՞ որ մարդու հազարամյակներ տևած էվոլյուցիայի, զարգացման և ձևավորման ընթացքում չի փոխվել մի շատ էական բան․ արգելված պտուղի հանդեպ սերը։ Իսկ մի՞թե ազատություն չէ այն, երբ մարդն իր կամքի և նպատակասլացության զորեղ ուժով դիմակայում է գայթակղությանը և դիմանում զրկանքներին։ Քանզի երանելի է այն մարդը, ով դիմանում է զրկանքներին և համբերատար է կյանքի պատճառած աղետալի երևույթներին։

Մարդու էության, հոգևոր և բարոյական արժեքների մասին անվերջ կարելի է խոսել, սակայն պատկերացրեք, երբ մի խումբ հաջողակ սովորողների բախտ է վիճակվում մասնակցել մի հանդիպման, որի ընթացքում վեր են հանվում այս բոլոր հարցերը, որի թեմաներն այնքան ընդգրկուն և բազմաճյուղ են, որ ավարտին հասկանում ես, թե դեռ ինչքան բան չգիտես և դեռ ինչքան բան ունես սովորելու, ինչքան խրատ քաղելու ու դեռ ինչքան “ձևավորվելու”։

Նախորդ հանդիպման բուռն արձագանքից և վառ տպավորություններից հետո չէինք կարող Հովհաննես Մարտիրոսյանի հետ հանդիպումներին շարունակական ընթացք չտալ։ Քանզի առաջին հանդիպումից հետո հասկացա, թե դեռ ինչքան բան ունի մեզ սովորեցնելու ընկեր Հովհաննեսը, քանի-քանի հանդիպումների կարիք ունենք դեռ և սովորելու, կրթվելու, տեղեկանալու անհրաժեշտություն։ Շուտով հասկացա, որ սովորողները նույնպես կիսում էին իմ կարծիքը։ Ընկեր Հովհաննեսն իրոք այցելեց մեզ և լցրեց լույսով, կյանքի նկատմամբ մեծ ակնկալիքներով և իր տված խրատներն անգին էին երիտասարդներիս համար։

Ամփոփելով առաջին ուսումնական շրջանը։ Հաշվետվությունների փաթեթ

Ինձ շատ անգամ զարմացնում է այն փաստը, թե մարդ ցանկության դեպքում ինչքան բան կարող է հասցնել անել այդքան քիչ ժամանակահատվածում։ Հասկացել եմ մի բան, որ Սեբաստացի սովորողի ակտիվությունը միմիայն պայմանավորված է սեփական ցանկությամբ և պատրաստակամությամբ։ Սովորողն է իր գործունեության կերտողը և կրթահամալիրում իր ուղու նախագծողը։ Ամփոփելով առաջին ուսումնական շրջանը՝ հպարտությամբ կարող եմ հայտնել, որ հասցրել եմ անել շատ ավելին, քան ուսումնական տարվա սկզբին նախատեսել էի։

RippleFlow կրթական-ինքնազարգացման նախագիծ

RippleFlow-ը մի կրթական նախագիծ է, որը հիմնադրվել է իմ կողմից այս տարվա օգոստոսին։ Եվ նախագծի հիմնադրման գաղափարից ընդամենը տասը օր անց՝ ուսումնական շրջանի մեկնարկին, մեկնարկեց նաև RippleFlow-ի գործունեությունը։ Այդ օրվանից ի վեր այն բուռն զարգացում է ապրում ողջ կրթահամալիրում և տարածվում դրա սահմաններից դուրս՝ մարզային ու համայնքային դպրոցներում։ Իմ նախագծային խմբով մեկ ուսումնական շրջանում արդեն հասցրել ենք իրականացնել բազում կրթական նախագծեր, հանրօգուտ կամավորական աշխատանքներ և վարել մի շարք գիտական դասընթացներ։ Ստորև ներկայացնեմ RippleFlow-ի գործունեությունն առաջին ուսումնական շրջանում․