«Կրթությունը պետության պահպանման և բարգավաճման հիմքն է, ամուր և կայուն պետականություն ստեղծելու առաջնային նախապայմանը»
Ես՝ Արի Ագոփս, ծնվել եմ Սիրիայի Հալեպ քաղաքում։ 2012թ․ տեղափոխվել եմ Հայաստան և մինչ օրս ապրում եմ մայրաքաղաք Երևանում։ 2013-2014թթ․ սովորել եմ Երևանի Հակոբ Օշականի անվան հ․ 172 հիմնական դպրոցում։ 2014թ․ փոխադրվել եմ <<Մակսեդան>> Օտար լեզուների մասնավոր դպրոց։ Դպրոցում ցուցաբերել եմ գերազանց առաջադիմություն, մասնակցել եմ մի շարք մրցույթների, օլիմպիադաների և նվաճել եմ բարձր արդյունքներ։ 2017թ․ <<Կենգուրու>> միջազգային մաթեմատիկական մրցույթի շրջանակներում պարգևատրվել եմ՝ գրավելով դպրոցում առաջին տեղը։ 2019թ․ ընդունվել եմ Երևանի Նաիրի Զարյանի անվան հ․ 130 հիմնական դպրոց։ Ուսումնական 3 տարիների ընթացքում ոչ միայն սովորել եմ փայլուն առաջադիմությամբ, այլև մասնակցել եմ դպրոցում կայացած մի շարք միջոցառումների և տոնակատարությունների կազմակերպման աշխատանքներին, հնարավորինս օգնել եմ իմ գաղափարներով և ստեղծագործական հմտություններով։ 2022թ․ ավարտել եմ միջնակարգ դպրոցը կարմիր ատեստատով և գերազանց արդյունքներով։
Սիրելի զբաղմունքներիցս են ընթերցանությունն ու կինոդիտումը, որոնք էլ իմ մեջ զարգացրել են սցենարներ գրելու հմտությունը։ Իմ գրած սցենարների հիման վրա իմ խմբի հետ նկարահանել եմ կարճամետրաժ ֆիլմ և կազմակերպել եմ փոքրիկ բեմականացում։ Ակտիվ եմ սոցիալական ցանցերում և ամեն տարի կազմակերպում եմ առցանց ինտելեկտուալ մրցույթներ, ինչպես նաև ունեմ <<Կարճ Ինֆո>> անվամբ շարք, որով օնլայն հարթակին ներկայացնում եմ կարճ և հետաքրքիր տեղեկություններ։ Նպատակ ունեմ դառնալ դիվանագետ, քանզի սիրում եմ այդ ոլորտը և ինձ տեսնում եմ այդ բնագավառում։
Յուրաքանչյուր ՀՀ քաղաքացի, հանդիսանալով հասարակության մի մասնիկը, պարտավոր է իր դերն ունենալ իր երկրի կառուցման և զարգացման հարցում։ Այդ առումով ես ինձ համարում եմ ակտիվ քաղաքացի, ով ձգտում է ունենալ գիտելիքային մեծ պաշար և ունենալ իր ներդրումը պետության զարգացման գործում։
Իմ Resume-ն կարդացեք այս հղումով։
Արի Ագոփի Ուսումնական Բլոգ 