Հետազոտական վարժարանի հետազոտող սեբաստացիները․ ուխտագնացությունից մինչև վենետիկյան հրաշագեղություն

Ցանկացած հետազոտական աշխատանք, որն արվում է սեբաստացի սովորողների կողմից, ոչ միայն ուսումնասիրությունների ու հետազոտությունների երկար ուղու արդյունք է, այլև մի նոր բանի սկիզբ ևս։ Բանն այն է, որ Հետազոտական վարժարանի սովորողները չեն բավարարվում զուտ հետազոտությամբ կամ իրենց աշխատանքի պաշտպանությամբ։ Շատերն իրենց աշխատանքը դնում են գործածության մեջ՝ կիրառելով դրանք գործնական ոլորտում։ Դա ևս մի շատ լավ ու արդյունավետ տեսակ է հետազոտության, որը ոչ միայն պարզում է որևէ երևույթ կամ իրադարձություն, այլև ավարտից հետո ծառայում մարդկանց կամ հետազոտողին։

Հետազոտական աշխատանքների պաշտպանությունը Մխիթար Սեբաստացի կրթահամալիրի Հետազոտական վարժարանում շարունակվում է, սովորողները ներկայացնում են իրենց բազմազան ու բազմապիսի թեմաներով հետազոտությունները, դրանց արդյունքները, վարժարանը հաճախ է հյուրընկալում տարբեր մասնագետների, ոլորտի փորձառուների և առաջնորդների, ովքեր ներկա են լինում աշխատանքների պաշտպանությանը, հաճախ գրախոսում դրանք, հայտնում օգտակար կարծիքներ և անում հետաքրքիր նկատառումներ հետազոտությունների հետ կապված։

Protected: Ռազմամարզական պարապմունքների բաց ցուցադրությունը «Մխիթար Սեբաստացի կրթահամալիրում»

This content is password protected. To view it please enter your password below:

Password:

Future Specialist Speak: Lawyer

Hello everyone, happy to welcome you all to our open lesson “Future Specialist Speak”, hope the meeting will be productive and helpful for a lot of students. Today, I’m going to talk about a profession that’s both interesting and is full of intrigue, but at the same time, very difficult and often dreadful. That we are talking about the job of a lawyer. Yes, I’ve chosen the profession of a lawyer after years of different thoughts, options and experiences.

As I’ve mentioned earlier, it is very important to know every important aspect of your future profession and the sphere you are going to specialize in. Speaking of that, I’ve started exploring and writing down the advantages and disadvantages of the profession, the path to the awaited career, challenges and barriers of the job, what opportunities do we have and of course what requirement do we need to be suitable for the job, simply speaking, the job criteria.

Starting with highlighting the advantages and disadvantages of becoming a lawyer, we see that here we have five different points referring to the advantages. Those points are ranked in order of importance to me, so the ranking is done by me and the number 5 is least important feature for me, number one is the most important one. We will now reveal the points in order, and we’ll discuss it later, whether you agree with my rankings or not.

Ամրապնդելով հայ-վրացական հանրակրթական կամուրջները․․․Հյուրընկալություն Մխիթար Սեբաստացի կրթահամալիրում

Միասին հավաքվելը սկիզբն է, միասին մնալը՝ առաջընթաց, իսկ միասին աշխատելը՝ հաջողություն:

Հենրի Ֆորդ

Մխիթար Սեբաստացի կրթահամալիրում կրթական կյանքի զարգացմանն ու բարգավաճմանը զուգընթաց կարևորվում են ոչ միայն կրթական բաց, ազատ միջավայրը, այլընտրանքային ուսուցումն ու արտադասարանային նախագծերը, այլև տարիներով կառուցված, ընդլայնված և ամրապնդվող հանրակրթական-բարեկամական կամորջները։

Այդպիսով կրթահամալիրը նախ և առաջ տարածում է իր գաղափարներն ու կիսվում ուսուցման մեթոդիկայով, այնուհետև իր արտակրթահամալիրյան բարեկամներին մշտապես հյուրընկալում, ծանոթացնում և համագործակցում տարբեր կրթական նախագծերի շուրջ։ Այսպիսով՝ տարիների ընթացքում կառուցված հանրակրթական համագործակցային կամուրջները կրթահամալիրի զենքն են։

Այդպիսի մի կարևոր բարեկամական շղթա դեռևս 15 տարի առաջ ստեղծվել է Մխիթար Սեբաստացի կրթահամալիրի և Թբիլիսիի Սայաթ Նովայի անվան համար 98 դպրոցի, իսկ այժմ արդեն՝ վրաց-հրեական դպրոց «Օր Ավներ»-ի միջև՝ ի դեմս տնօրեն Գիորգի Մոմցելիձեի։ Համագործակցային կամուրջների շնորհիվ տարիներ շարունակ երկու դպրոցները հյուրընկալվել և հյուրընկալել են հայ և վրաց սովորողների, մշակութային ներկայացուցիչների, ծանոթացել են միմյանց պատմությանն ու մշակութային վառ բաղադրիչներին։ Եվ ահա այսօր՝ ավելի քան 15 տարի անց, կրթահամալիրը մեծ շուքով է նշում հայ-վրացական բազմամյա բարեկամությունն ու համագործակցային ամուր կապերը։

Փետրվարի 1-ը կրթահամալիրում իսկական տոն էր։ Օրվա մեկնարկը մեծ շուքով տրվեց առավոտյան ընդհանուր պարապմունքով, որի ընթացքում հնչեցվեցին Հայաստանի և Վրաստանի հիմները, հայ-վրացական գրականության գոհարներն ու մշակութային հանճարները, այդ թվում՝ ազդարարվեց վրացահայ նշանավոր կինոռեժիսոր, սցենարիստ Սերգեյ Փարաջանովի 100-ամյակի առթիվ Մխիթար Սեբաստացի կրթահամալիրում մեկնարկվող Փարաջանովյան օրերի մուտքը։ Պարապմունքի ընթացքում ողջունեցինք մեր վրացի հյուրերին՝ տնօրեն Գիորգի Մոմցելիձեին, ինչպես նաև Հայաստանում Վրաստանի դեսպանության առաջին քարտուղար Ալեքսանդրե Գոգոլաձեին և դեսպանի խորհրդական Գիորգի Փիփիային։

Ներկայացնում ենք մեր բնագավառը․․․«Հասարակություն և հասարակական գիտություններ» ուսումնական բնագավառի հեղինակային կրթական ծրագրի բաց հավաքը

Հասարակագիտական առարկաներն ու պատմության բնագավառն արդեն քանի տարի է, ինչ իմ հոգեհարազատ ու նախասիրած ոլորտներն են հումանիտար առարկաների շրջանում։ Դրան հատկապես նպաստել է Մխիթար Սեբաստացի կրթահամալիրի Հետազոտական վարժարանի կրթական բաց միջավայրը, որի շրջանակում արդեն երկու տարի է իրականացնում եմ հասարակագիտական նախագծեր, նախաձեռնում տվյալ բնագավառում կրթական ծրագրեր և հավաքներ, ինքս մասնակցում եմ բազում հասարակագիտական հավաքների, հանդիպում-քննարկումների և կլոր սեղանների։ Վարժարանում հասարակագիտական լաբորատորիայի, պատմության դասավանդողների աջակցությամբ և ուղղորդմամբ մշտապես ծավալում եմ ակտիվ գործունեություն, իմ ներդրումն ունենում բնագավառի կրթական նախագծերում։

Եվ ահա, ձմեռային ճամբարի վերջին երկու օրերը նվիրված էին հենց այդ բնագավառի հանրային ներկայացմանն ու բաց հավաքին։ Դրա շրջանակում կրթահամալիր էինք հյուրընկալել ազգագրագետ Լուսինե Խառատյանին, Գեղակերտի միջնակարգ դպրոցին, ՀՀ Կրթության պետական տեսչական մարմնի ներկայացուցիչների, և այլ հրավիրյալ մասնագետների։

Բնագավառի հանրային ներկայացման նպատակն էր նախ և առաջ ծանոթացնել մեր հյուրերի կրթահամալիրի հասարակագիտական կյանքին, օրացույցային նախագծերին և կարևոր օրերին, և իհարկե՝ հասարակագիտական հետազոտական աշխատանքներին։ Բաց հավաքի նպատակն էր նաև փոխանակման ծրագրերի շնորհիվ հյուրընկալված սովորողներին տալ գիտելիք և լիարժեք պատկերացում հետազոտական աշխատանքների մասին, կրթական մի շարք նախագծերի և հասարակագիտական ստուգատեսների վերաբերյալ։

Եվ թող լինի հավասարություն․․․Հանդիպում հրավիրյալ մասնագետ Լաուրա Սիմոնյանի հետ

Գենդերային հավասարությունը ոչ միայն ազատում է կանանց, այլև տղամարդկանց՝ սահմանված գենդերային կարծրատիպերից

Էմմա Ուոթսոն

Այո, կարծրատիպերով ապրող մարդիկ ամենից առաջ պետք է գիտակցեն մի շատ կարևոր փաստ․ գենդերային հավասարություն չի նշանակում որևէ հավասարության կետից իջեցնել տղամարդկանց իրավունքներն ու ազատությունները և բարձրացնել կանանցը։ Գենդերային հավասարության ձգտումն է սահմանել որևէ հավասարության մակարդակ և դրան բերել, հասցնել երկուստեք իրավունքները, ազատությունն ու հասարակության կողմից վերջիններիս ընկալումը։

Նախ հասկանանք, թե ինչ նկատի ունենք՝ ասելով գենդերային հավասարություն․ ի՞նչ հավասարություն է դա։ Բազմաթիվ օրինակներ կարող ենք թվել և բացատրել այդ հավասարությունը՝ որպես երկուս կողմերի իրավունքների, ազատությունների և հնարավորությունների հավասարություն։ Բայց ամենից առաջ գենդերային հավասարությունը կախված է մարդու մտածելակերպից։ Չէ՞ որ ոչ մի օրենք, ազատություն կամ պարտականություն չի կարող այնպես ազդել մարդու կարծիքը, ինչքան վերջինիս մտածելակերպն է ունակ ազդելու։ Ուստի նախ և առաջ այդ հավասարության հասկացությունը պետք է մտնի անհատի մտածելակերպ և ստեղծի հասարակական կարծիք։

Մեր ժամանակներում շատ արդիական և էական համարվող այս խնդրի մասին հետաքրքիր զրույց-քննարկում ունեցանք հրավիրյալ մասնագետ, Ազգային ժողովրդավարության ինստիտուտի հայաստանյան գրասենյակի՝ կանանց հզորացման ծրագրերի ղեկավար Լաուրա Սիմոնյանի հետ։ Բազմիցս եմ նշել և արձանագրել, որ ոչ բոլոր մասնագետների հետ հանդիպումն է ինձ ներքաշել բուռն քննարկման, ոչ բոլոր հանդիպումներից է, որից ես իրոք ինչ-որ բան եմ տանում ինձ հետ, սակայն սա այն եզակի հանդիպումներից էր, որ ինձ բնավ չէր հետաքրքրում ժամանակի ընթացքը և ես իրոք ցանկանում էի երկար քննարկումներ վարել յուրաքանչյուր հարցի շուրջ։

Այցելություն Մխիթար Սեբաստացի կրթահամալիր։ Հետազոտական վարժարանի այլընտրանքային կրթական միջավայրը

Կրթությունը մեր անցագիրն է դեպի ապագա, քանի որ այն պատկանում է միայն նրանց, ովքեր պատրաստվում են դրան այսօր։

Մալքոլմ Իքս

Կրթության և ուսուցանման գործը Մխիթար Սեբաստացի կրթահամալիրում տասնամյակներ շարունակ բաց է և ազատ կրթահամալիրի սովորողների համար։ Հեղինակային կրթական ծրագրի շնորհիվ կրթահամալիրը սովորողների համար ապահովում է կրթական բաց միջավայր՝ կրթվելու, ուսումնասիրելու, հետազոտելու և սովորեցնելու։ Հարկ է նշել, որ դպրոցը տարիներ շարունակ ապահովում և տրամադրում է սովորողներին անհրաժեշտ ռեսուրսները՝ դրանով իսկ ընդունելով նորարարությունները, կրթական մարտահրավերները, որոնք ժամանակի ընթացքում՝ կախված արդիականությունից, վեր են հանվում կրթահամալիրի այլընտանքային ծրագրում։

Մխիթար Սեբաստացի կրթահամալիրի Հետազոտական վարժարանի ազատ կրթական միջավայրն արտահայտվում է ակումբային դասընթացների բազմազանությամբ, մարզական և արվեստի լայն բնագավառների ուսուցանմամբ, բարձր պահանջարկ ունեցող լեզուների որակյալ դասավանդմամբ և անհատական, խմբային ու կրթահամալիրյան մի շարք նախագծերի իրականացմամբ։ Կրթահամալիրում պարբերաբար անցկացվում են ստուգատեսներ, որոնք ևս մեկ խթան են սովորողների հմտությունների զարգացման, ներուժի բացահայտման և տեսականը գործնական միջավայրում արտահայտելու համար։ Ելնելով սովորողների կարիքներից և ժամանակի թելադրող պահանջներից՝ Հետազոտական վարժարանը մշտապես թարմացնում է ուսումնական պլանում ներառված նախագծային ուսուցումը՝ սովորողներին անընդհատ ընդգրկելով, տեղեկացնելով և ծանոթացնելով այնպիսի կրթական հնարավորությունների, ինչպիսիք նախադրյալ կհանդիսանան վերջիններիս համար ինքնակրթվելու, զարգանալու և պատրաստ լինելու կյանքի հետագա բարդ փուլերին։

Հետազոտական վարժարանը կարելի է համարել կրթական-հետազոտական աշխատանքների, նախագծերի և դասընթացների ակտիվ խաչմերուկ, որն ապահովում է ոչ միայն ներկրթահամալիրյան կապը սովորողների և դասավանդողների միջև, այլև մշտապես հյուրընկալում մասնագետների, փորձագետների և ներկայացուցիչների ամենատարբեր ոլորտներից, բնագավառներից և կազմակերպություններից։ Վարժարանը փաստացի հանդիսանում է կամուրջ՝ սովորողների խմբի և վերջիններիս նախասիրություններին համապատասխանող կայացած փոձառուների, հրավիրյալ մասնագետների միջև։

Սեբաստացիական ուխտագնացությանն ընդառաջ։ Գիտաճանաչողական հանդիպում հրավիրյալ մասնագետ Հովհաննես Մարտիրոսյանի հետ

Ազատությունն այն չէ, երբ անում ես այն, ինչ ուզում ես, ազատությունն այն է, երբ կարողանում ես չանել այն ամենը, ինչն ուզում ես։

Առաջին հայացքից այդքան պարզ թվացող այս խոսքերն ինչքան մեծ իմաստ են պարունակում իրենց մեջ։ Ասես մի ամբողջ գաղափարի պարզաբանում լինի, կյանքի բանաձև։ Չէ՞ որ մարդու հազարամյակներ տևած էվոլյուցիայի, զարգացման և ձևավորման ընթացքում չի փոխվել մի շատ էական բան․ արգելված պտուղի հանդեպ սերը։ Իսկ մի՞թե ազատություն չէ այն, երբ մարդն իր կամքի և նպատակասլացության զորեղ ուժով դիմակայում է գայթակղությանը և դիմանում զրկանքներին։ Քանզի երանելի է այն մարդը, ով դիմանում է զրկանքներին և համբերատար է կյանքի պատճառած աղետալի երևույթներին։

Մարդու էության, հոգևոր և բարոյական արժեքների մասին անվերջ կարելի է խոսել, սակայն պատկերացրեք, երբ մի խումբ հաջողակ սովորողների բախտ է վիճակվում մասնակցել մի հանդիպման, որի ընթացքում վեր են հանվում այս բոլոր հարցերը, որի թեմաներն այնքան ընդգրկուն և բազմաճյուղ են, որ ավարտին հասկանում ես, թե դեռ ինչքան բան չգիտես և դեռ ինչքան բան ունես սովորելու, ինչքան խրատ քաղելու ու դեռ ինչքան “ձևավորվելու”։

Նախորդ հանդիպման բուռն արձագանքից և վառ տպավորություններից հետո չէինք կարող Հովհաննես Մարտիրոսյանի հետ հանդիպումներին շարունակական ընթացք չտալ։ Քանզի առաջին հանդիպումից հետո հասկացա, թե դեռ ինչքան բան ունի մեզ սովորեցնելու ընկեր Հովհաննեսը, քանի-քանի հանդիպումների կարիք ունենք դեռ և սովորելու, կրթվելու, տեղեկանալու անհրաժեշտություն։ Շուտով հասկացա, որ սովորողները նույնպես կիսում էին իմ կարծիքը։ Ընկեր Հովհաննեսն իրոք այցելեց մեզ և լցրեց լույսով, կյանքի նկատմամբ մեծ ակնկալիքներով և իր տված խրատներն անգին էին երիտասարդներիս համար։

Ջերմ հյուրընկալություն Մխիթար Սեբաստացի կրթահամալիրում։ Աշնակի, Պարտիզակի և Ներքին Բազմաբերդի դպրոցներ

Բարեկամության հասկացությունը բացատրելն աշխարհում ամենադժվար բանն է: Դա մի բան չէ, որը սովորում ես դպրոցում: Բայց եթե չես սովորել դրա իրական իմաստը, ապա ոչինչ էլ այս կյանքում չես սովորել։

Մուհամմեդ Ալի

Բարեկամությունն ու ընկերությունը զուտ հարաբերակցական կապերը չեն կամ այն ժամանցը, որ անցկացնում ես մտերիմիդ հետ։ Բարեկամական կապերն այն են, երբ դու հաստատում և ամրապնդում ես ընկերական կապերը և պահում շատ երկար ժամանակ՝ առանց որևէ ակնկալիքի։

Մխիթար Սեբաստացի կրթահամալիրն իր բազմամյա գործունեության ընթացքում բազմիցս ապացուցել է իր նվիրվածությունն ու պատրաստակամությունը համագործակցային ու ընկերական կապերի ստեղծման և պահպանման, զարգացման գործում։ Դասավանդողներից մինչ սովորողներ սերնդեսերունդ ժառանգել են այդ գաղափարը և կառուցել նորանոր ընկերական ու բարեկամական անշահախնդիր կապեր։

«Մեր գերդաստանը, մեր բարբառները» հայագիտական նախագծի շրջանակում վերջերս կրթահամալիրի Հետազոտական վարժարանի մի խումբ սովորողներ այցելել էին Թալինի տարածաշրջան՝ համայնքային դպրոցներ, մասնավորապես Աշնակի դպրոց, որտեղ երեք օր շարունակ վայելեցինք համայնքի բնակիչների ջերմ ընդունելությունը, դպրոցի սովորողների և ղեկավարության առատաձեռն հյուրասիրությունը և ամրապնդեցին արդեն իսկ կառուցած ընկերական հարաբերությունները։

Եվ ահա վերջերս՝ Սեբաստացու օրերի շրջանակում, Հարիսայի համայնքային ծեսին մասնակցելու նպատակով, մեր հյուրընկալ կրթահամալիր այցելեցին Աշնակի, Պարտիզակի և Ներքին Բազմաբերդի դպրոցների սովորողները և դասավանդողները։ Երեք օր շարունակ նրանք եղան կրթահամալիրում, ծանոթացան մեր վարժարանի ակտիվ ու եռադնուն կյանքին, նախագծերին և սովորողների կողմից իրականացված նախաձեռնություններին։ Մեր հյուրերը եղան կրթահամալիրի կարևոր վայրերում, ծանոթացան դպրոցում կազմակերպվող արվեստի ու արհեստի խմբակներին, հնարավորություններին ու դասավանդման ընթացքին։

«Վիքիպեդիան հայերեն» նախագծային հանդիպում-ներկայացում հրավիրյալ մասնագետի հետ

«Վիքիպեդիան հայերեն» հայագիտական-թարգմանչական նախագծի շրջանակներում իրականացվում է հանդիպում-քննարկում “Wikimedia Armenia” ընկերության հիմնադիրի, ղեկավարության այլ ներկայացուցիչների հետ։

Թեման՝ Վիքիպեդիա ազատ հանրագիտարանը՝ մայրենի լեզվով

Օրը՝ նոյեմբերի 22

Ժամը՝ 13։00-14։20

Վայրը՝ Ավագ դպրոց, ընթերցասրահ

Մասնակիցներ՝ RippleFlow նախագծային խումբ, «Վիքիպեդիան հայերեն» նախագծի մասնակից սովորողներ, հրավիրյալ մասնագետներ, հյուրեր, Հետազոտական վարժարանի դասավանդողներ և սովորողներ

Հրավիրյալ մասնագետներ, հյուրեր՝ Wikimedia Armenia ընկերության հիմնադիրներ, լեզվաբաններ, մասնագետներ

Հանդիպման նպատակը՝

• «Վիքիպեդիան հայերեն» նախագծի շրջանակներում կատարված թարգմանչական-խմբագրական աշխատանքների ներկայացումը

Հանդիպման խնդիրները՝

• Հանրագիտարանում մայրենի լեզվով հոդվածների տարածման ու ընդլայնման կարևորության վեր հանումը
• Վիքիպեդիայի հարստացումն ու ընդլայնումը
• Վիքինախագծերում ակտիվ մասնակցության և ներգրավվածության ապահովումը

Իրականացված աշխատանքներ՝

• Վիքիպեդիան հայերեն։ Համագործակցային նախագիծ Վիքիմեդիա Արմենիայի հետ
• «Վիքիպեդիան հայերեն» նախագծի ընթացքը։ Հաշվետվություն

Հանդիպման օրակարգում՝

• «Վիքիպեդիան հայերեն» նախագծի ներկայացում․ նպատակները, խնդիրները, մասնակից սովորողների աշխատանքները և հետագա զարգացման նախադրյալները-Արի Ագոփ
• Wikimedia Armenia-ի հետ համագործակցային նախագծի իրականացումը, դասընթացների կազմակերպումը կրթահամալիրում-Սյուզի Մելիքյան
• Հայագիտության, արևմտահայերենի տարածման կարևորությունը Վիքիպեդիա ազատ հանրագիտարանում-Մարիա Տիշաքճեան
• Խմբագրած հոդվածների, թարգմանությունների ներկայացում, արդյունքների գնահատում-Նախագծի մասնակից սովորողներ
• Հրավիրյալ մասնագետների, հյուրերի հետ զրույց, կարծիքների փոխանակում, առաջարկների քննարկում
• Հարց-պատասխան
• Հյուրասիրություն

Համակարգումը՝ Արի Ագոփի

Լուսաբանումը՝ մասնակից սովորողների