Պետության կառավարման համար մարդկանց վարքագիծը կարող է կառավարվել իրավական ձևերով՝ օրենքների օգնությամբ։ Այդ ձևերն են․
1․ Իրավաստեղծ – Իրավական կարգավորման առաջին փուլը իրավաստեղծ փուլն է, որում պաշտոնատար անձանց և իրավասու մարմինների գործունեության միջոցով ընդունվում են օրենքներ՝ ուղղված բնակչության շահերի պաշտպանությանը։
2․ Իրավակիրառ – Իրավական կարգավորման երկրորդ փուլն իրավակիրառ փուլն է, որում համապատասխան մարմինները և պաշտոնատար անձիք գործունեություն են ծավալում՝ ուղղված ընդունված օրենքների կիրառմանը։
3․ Իրավապահպան – Մեծ նշանակություն ունի իրավապահպան գործունեությունը, որի ընթացքում համապատասխան մարմինները և անձիք բացահայտում, ուսումնասիրում են իրավախախտումները, պարզում դրանցում մեղավոր անձանց, ենթարկում նրանց պատասխանատվության։ Չնայած որ բոլոր պետական մարմիններն իրականացնում են իրավապահպան գործունեություն, գլխավոր դերակատարներից են ոստիկանությունը, դատախազությունը, ազգային անվտանգության մարմինները և այլն։
Պետական մարմինները նաև ծավալում են գործունեություն կազմակերպչական նպատակներով, որոնք ծառայում, սպասարկում են դրա բնակչությանը և պետական այլ գործառույթների իրականացմանը։ Դրանցից են օրինակ արդյունքներ գրանցելը և դրանք ամփոփելը, պետության մեջ եղած հիմնախնդիրների ուսումնասիրությունը, ընթացիկ վերլուծությունները և այլն։
Կարդացեք Ավելին
Արի Ագոփի Ուսումնական Բլոգ 